محمود الليثي: "والدى كان معترضًا جدًا على الغناء وهرانى ضرب"

تحدث المطرب محمود الليثي، عن قصة اعتراض والده على دخول عالم الغناء، قائلًا: "والدي كان معترض جدًا".

وأضاف الليثي في سهرة خاصة على قناة "cbc" على هامش فعاليات مهرجان العلمين: "والدي مكنش عاوز الغناء ياخدني من الدراسة، وضربني ضرب موت منه هراني ضرب".

وتابع: "وأنا في ثانوي قالي نتكلم كلام رجالة أنت تديني الشهادة وبعد كده أعمل اللي أنت عاوزه وده حصل فعلًا لأني كل أخواتي تعليم عالي وهو كان عاوز كده".

وأردف: "أبويا كان شايف التعليم أهم حاجة للإنسان، ولو عاوز هواية اعمل اللي أنت عاوزه لكن بعد الحصول على الشهادة".