إيمان عزالدين لـ"أولياء الأمور": "ادعموا أولادكم لأن الثانوية العامة مش مقياس للنجاح في الحياة العملية"

قالت الإعلامية إيمان عزالدين، إننا نريد أن نرسل رسالة لكل البيوت التي لديها أبناء بالثانوية العامة، سواء كانت النتيجة مرتفعة أو منخفضة يجب أن تدعموا أبناءكم لأنكم مصدر الأمان والاطمئنان لهم، لأن الثانوية العامة ليست مقياسًا للنجاح في الحياة العملية.

وأضافت عزالدين، اليوم الثلاثاء، خلال تقديمها برنامج "الستات مايعرفوش يكدبوا"، المُذاع عبر قناة "CBC"، أنه لا يوجد ما يسمى بكلية قمة أو كلية قاع، فالنجاح هو إثبات النفس في مكانك ومجالك وإمكاناتك ويكون لديك شغف تحققه، وفي الوقت نفسه تفيد غيرك وتعمل ما تحبه في المكان الذي يناسبك ويناسب إمكاناتك.

وتابعت: "مش كل الناس تبقى دكاترة ومش كل الناس مهندسين، لو كله مهندسين ودكاترة طب لو احتاجنا محامين هنلاقي مين لو احتاجنا محاسبين هنجيب منين لو احتاجنا ناس من البرمجيات والتكنولوجيا والبيوتكنولوجي أو أي مجال كلنا عايشين على سطح الكوكب بنخدم بعض".

نصائح لأولياء الأمور لاحتواء أبنائهم 

ووجهت الإعلامية إيمان عزالدين، بعض النصائح لأولياء الأمور كي يساعدوا أبناءهم بعد النتيجة، وهى: "أول حاجة لازم تساعد ابنك أو بنتك أولًا أننا نحول أي سلبيات لإيجابيات ونشوف النص المليان من الكباية زي ما بيقولوا لازم نحتويهم لأنه فيه ولاد وبنات بيفضلوا العمر كله مش ناسيين اللحظة اللي أبوهم أو أمهم أخدوا منهم موقف فحسوا حتى علاقتهم اتأثرت ما ينفعش إنه يبقى نتيجة الثانوية العامة مقرونة أو مشروطة بعلاقتنا بيهم يعني مينفعش إنه إحنا نربط علاقتنا بولادنا بنتيجتهم، سواء كانت سلبية أو إيجابية لأن ده بيحقق لهم حالة من عدم الأمان وعدم الاستقرار وبيخليهم بعد كده يفشلوا".

وتابعت: "ما ينفعش نقارنهم بنتايج أصحابهم ولا جيرانهم ولا أقاربهم، ما ينفعش نكون قاسيين على نفسنا وعلى ولادنا اللي حصل حصل خلاص والنتيجة زي ما تيجي لازم نستقبلها ونتقبلها ونتجاوزها وبلاش ثقافة المقارنة لأنها ما بتحققش أي حاجة".

وأكدت الإعلامية إيمان عزالدين، أن هناك ثلاثة أمور يهدموا أي شيء في الدنيا هى: "النقد المستمر واللوم المستمر والمقارنة بالغير".