زوجة رامى جمال بعد اعترافه بحبه لها: كنت متخيلة إنه بيضحك عليا

قالت ناريمان, زوجة المطرب رامي جمال: “في اليوم الأول الذي جمعني برامي جمال لم أشعر بنفس مشاعر الحب بالسرعة التي شعر بها، لكني استمريت فترة حتى شعرت بحبه”، معقبة: "كان هو مبين أنه مهتم وأنا في دماغي إنه أكيد لا وأنه بيضحك عليا". 

وأضافت ناريمان، خلال لقائها ببرنامج "معكم" الذي تقدمه الإعلامية منى الشاذلي عبر قناة ON: "عندما اتصل بي بعد لقاCنا الأول، حسيت بشيء لكنه لم يكن كبيرًا في نفس اليوم، لكن بعد ذلك بدأت أشعر بمشاعر حب بدأت تتزايد".

وتابعت: "رامي في نفس اليوم اللي تقابلنا فيه لمح لي إنه معجب، فأنا قلتله لا ده أنا جاية آخد لحن ولسا بدري جدا". 

ومن جانبه قال رامي جمال: "مفيش حد عمل زيي، أنا قلت معجب، ومع أول إجازة لأخويا جاي من السفر خطبت يوم الإثنين وتزوجت الإثنين اللي بعده، تزوجنا في أسبوع، أنا راجل معنديش هزار". 

وتابع رامي جمال: "أنا صدقت فكرة تلاقي الأرواح وتآلفها، لأنني كنت دائمًا أقول أنا مش هتزوج في السن ده، ومش عايز أتزوج دلوقتي، وعايز أتزوج لما أغني وأنزل ألبومات وأسيب لنفسي فرصة إن المعجبات تتخيل إن الكلام اللي بغنيه يقال لها، ده العرف اللي كان سائد، لكن لما شفت ناريمان قلت لنفسي أنا عندي حد ممكن أغني له، ودي حاجة مش هتزعل الناس".