"عجبتنى طريقتها وهى بتتكلم".. رامى جمال يحكى عن قصة حبه لزوجته ناريمان

كشف المطرب والملحن رامي جمال عن بداية معرفته بزوجته ناريمان، قائلًا: "تعرفت على ناريمان عندما كانت تريد أن تأخذ لحن وتغني قبل الزواج، كانت ذاهبة للملحن رامي جمال، فأنا بالنسبة لي تمام اتفضلي، وعندما رأيتها عجبتني طريقتها وهي تتكلم". 

وأضاف رامي جمال، خلال لقائه ببرنامج "معكم" الذي تقدمه الإعلامية منى الشاذلي عبر قناة ON: "صوتها كان قمر، لكن اللي جابني إن طريقة كلامها عجبت أذني، وأنا لست شخص خفيف، فلم يكن يعجبني أنني أركز في شيء آخر غير الذي جاءت من أجله، فقلت ماشي خلاص هكمل شغلي وقلت لها حاضر هنعملك الأغنية زي ما أنتي عايزة، ومشيت روحت، وبعدين اشتغلت في حركات الشباب المصريين واتصلت بيها "روحتي؟" 

وتابع:" أنا مش أنا، خاصة وأنا من الناس اللي بتنام من الساعة 12 بليل أو 1 ليلًا لو سهران، لكن في اليوم اللي شفتها فيه نمت الساعة 6 الصبح، كل ده كان بسبب طريقتها وهي بتتكلم، أنا مكنتش عارف إني ضعيف، خاصة إن عدى عليا مواقف واختبارات كتير ومكنتش بحس بحاجة، لكن مع ناريمان فجأة حسيت إني عايز اعترف كمان لها في نفس اليوم".