الرئيس السيسى لصاحب مصنع: «بسأل عن المرتبات عشان أطمن إن الرقم ده معقول»
تحدث الرئيس عبدالفتاح السيسي، مع أحمد العريان، صاحب مصنع "فوندي" للكوتشي، وهو من نتاج مبادرة "ابدأ"، حول أجور العاملين في المصنع، وأجاب العريان بأن المرتب يصل إلى حد 10 آلاف جنيه، وفقًا للترتيب الوظيفي والمهارة في العمل.
وقال الرئيس السيسي، خلال كلمته بافتتاح عدد من المشروعات القومية في محافظة سوهاج، لاستكمال مراحل التنمية في صعيد مصر: "أنا لما بكلم حد عن أعداد الناس اللي بتشتغل عندهم ومرتباتهم ببقى عايز ألفت نظر الناس أنا قد إيه لو إحنا قدرنا نتوسع ونيسر للناس ونخليهم يبدأوا ويشتغلوا كدا. إحنا هنساهم مساهمة كبيرة جدًا أولًا، لأن بيطلع منتج الناس بتستفيد منه لأن الكلام اللي معمول ده أكيد أهالي سوهاج والصعيد هتستفيد من المنتج ده لأولادهم اللي في المدارس وبسعر معقول".
وأضاف: "غير لو إحنا استوردنا من بره أو جايبنها من القاهرة.. لأن دا بينتج لصالح المنطقة اللي بيوزع فيها، لكن الكلام اللي بيتقال النهاردة إن كل ما العامل بيشتغل ويبقي مهار كل ما ياخد أكتر.. عشان كدا أنا بسأل عن المرتبات وكمان عشان أطمن أن الرقم دا معقول".
