طارق الشيخ يطرح أغنية «غريبة» من ألبومه الجديد (فيديو)
طرح المطرب الشعبي طارق الشيخ أحدث أعماله الغنائية التي تحمل اسم "غريبة"، عبر موقع الفيديوهات الشهير "يوتيوب" وجميع التطبيقات الموسيقية ومحطات الراديو.
وتعتبر أغنية "غريبة" هي إحدى أغنيات ألبوم طارق الشيخ الجديد الذى يحمل اسم "ودونى البحر" والذى يقوم بطرح أغنياته على فترات متتالية بشكل منفرد "سنجل".
ويناقش الشيخ قضية اجتماعية هامة، وأصبح واقعًا جديدًا نعيشه الآن ونتأثر به، وهو العزلة والتباعد الاجتماعي واختفاء التجمعات العائلية والاجتماعية، والغربة والتغيير والانفصال بين أفراد الأسرة الواحدة.
وتعاون المطرب الشعبي طارق الشيخ في أغنية "غريبة" مع كل من الشاعر الغنائي فضل الراوى، والموزع الموسيقي طه الحكيم، والأغنية من ألحانه.
كلمات أغنية “غريبة” لطارق الشيخ
غريبة غريبة
في حاجات غريبة بقت جوانا للأسف الشديد عن حياه بنعيشها لكن
وليه هنروح بعيد
محدش فينا بقى فاضي للتاني
محدش فينا بقى داري بالتاني آه بقى داري بالتاني
بقى كل واحد فينا عايش جوه نفسه لكن وحيد
عنده أهل وناس وعزوة بس كله خلاص بعيد
ياللي شايفين السعاده من بعيد
ده إنتوا قلبتوا المواجع من جديد
في حاجات غريبه
أدي القلوب متفرقه
والناس أهي متبعزأه
بقت خلاص جوه البيوت
زي الحيطان متشققه
بقينا شكل ومنظره
وضحكه طالعه مزوره
حتى خلاص بقت النفوس
هي كمان متغيره
أغنية الشيطان لطارق الشيخ
يذكر أن طرح طارق الشيخ منذ أيام أغنية جديدة بعنوان "الشيطان"، ويوجه الشيخ رسالة سخرية وتوبيخ للإنسان صاحب النفس المضطربة الغير سوية، التى بلا ضمير واختارت طريق الشر وانحرفت إلى المهالك، وصارت تنافس الشيطان فى سلوكياته، بل تخطته وأصبحت أخطر من الشيطان نفسه.
أغنية "الشيطان" من كلمات عصام حجاج، وألحان تامر حجاج، وتوزيع موسيقي ميدو مزيكا، وإسلام شيبسى.
