«سلعوة» تثير ذعر أهالى أكتوبر الجديدة.. والسكان: «ده ثعلب صحراوى»
سادت حالة من الذعر بين أهالي مدينة الـ800 فدان بأكتوبر الجديدة، التابعة لمحافظة الجيزة، بسبب وجود ثعلب صحراوي في شوارع المنطقة، ما أثار ذعر السكان من عقر أحد المواطنين أثناء سيرهم بأحد الشوارع.
وقال جلال أمين: «أنا وجدت في قطاع ج آخر شارع الأندلس بالقرب من محطة المياه امبارح بالليل حوالي الساعة 12:30 حيوان شبيه للثعلب أو السلعوة، الناس اللى بتنزل بالليل أو الأطفال تخلى بالها بس، وطبعا عشان محدش يقول مصورتهوش ليه، أى حد فى مكانى مش هيقف يتعجب فيه، هو كان صغير وجرى من قدامى واحنا خايفين على أولادنا".
وتابع أنه من حق الأهالي الخوف والقلق من وجوده، لذلك لا بد من وجود وحدات وهيئات للطب البيطري للبحث عن الثعالب في الشوارع حتى لا تمثل خطرًا على المواطنين بالمنطقة، ويجب علينا معرفة مصدر وجودهم في المدينة، خصوصًا أننا نسكن بجوار الصحراء.
وأوضح وليد تاج: «ده تعلب أو نمس شوفته كتير في قطاع د، عمومًا مش بيهاجم الإنسان، وجوده مهم جداً لأنه حائط صد للأفاعي والثعابين مع الكلاب والقطط طبعًا بس من حق الناس تخاف ولازم نعرف ده إيه وجاي منين بالظبط ونحاول نوصل للجهاز يشوفوا حل ضروري».
وأضاف محمد عبدالله: «الثعلب كائن يتغذى على القوارض أو الطيور ومش مؤذي للإنسان، بالعكس بيخاف ويبعد عن الأماكن التي يوجد بها إنسان، وبيتسلل في الليل، ومع الوقت يختفي».
