محمد رمضان يشكر فريدة سيف النصر بعد منشورها الداعم له (صور)

عبر الفنان محمد رمضان عن سعادته بكلمات الفنانة فريدة سيف النصر التي احتلت الترند اليوم الأحد، بعد دفاعها عنه في أزمته مع الفنانة القديرة سميرة عبد العزيز .

ونشر رمضان كلمات سيف النصر مشيدا بها، وذلك عبر حسابه بموقع تويتر للتغريدات. 

وكتبت سيف النصر عبر حسابها بموقع فيس بوك : “كلمة حق لرمضان.. حواديت حصلت قدامي ماحدش يقوللي هاتخسري جمهورك وأنصحك ماتدافعيش عنه، نصيحة مايعلقش أحسن علشان لا انت ولا غيرك هاتنفعني يوم وقفة الحق، والساكت عن الحق شيطان أخرس وكتم الشهادة نار تقيد في القلب تسوده.. وعنده عيوب آه لكن متربي واللي بيحترم أبوه وأمه بيحترم الكبار”. 

واستكملت فريدة قائلة: «ولا حد يقوللي بتطبلي له والسبوبة خلصت.. يابني الشغل اللي أنا اشتغلته مع كل النجوم الكبار يخلليني أكره وأحتقر الوسط واللي بيحصل فيه دلوقتي..فا مش عايزه تعليقات كلها هري وبس..وتاني هو فيه عيوب آه وكلنا عيوب.. ياللا وهاقولهاله لأول مرة.. عيوبك (عنيد ..صوته من دماغه، متهور، كياد.. بيفرس ناس قهروه وبيظهر نعم الله عليه ما استعانش على قضاء حوائجه بالكتمان نصيحة النبي وبيجيب لنفسه ولأهله القر) والناس اللي بتغير وتكره الخير للناس يتشالوا ويتحطوا من غير مايؤذي حد..ده ليه لأننا مختلفين". 

واختتمت : “كل الدنيا العالم الناجحين أوي بيفرحوا لهم إحنا لأه يردحولهم هو كان فاكر زي مابيفرح الناس هاتفرح له.. وقدامكم مثل محمد صلاح اتكرم في العالم كله في مصر لو ماكانش جري كان اتدمر خالص، يخرب بيت كده احنا ماكناش كده جرالنا إيه دي في ناس بتدعي بزوال النعم يا ساتر يا رب.. رمضان غلطان في حاجات كتير ماشي من وجهة نظرك بس هو شايفها صح هو حر زي ما انت حر.. في حاجات من غير قصد والناس حواليه مابتاخدش بالها تدفع حاجاته في وقتها الشغل لاهيهم فانلاقيه كل شوية حد يسب فيه ده عيب في إدارته أو جايز حد قاصد ولا تعلم.. لا حول ولا قوة إلا بالله العلي العظيم.. ربنا ينجيك يابني”.