أغرب تصريحات ريهام سعيد في برنامج شيخ الحارة والجريئة
أثارت الإعلامية ريهام سعيد جدلا بعد تصريحاتها في الجزء الثاني الخاص بها ضمن حلقات برنامج شيخ الحارة والجريئة وتقدمه المخرجة إيناس الدغيدي، متصدرة محركات البحث بـ"أغرب تصريحات ريهام سعيد".
وكشفت سعيد عن عدد من التصريحات المثيرة أهمها علاقتها بالجن والأعمال السفلية خلال تصوير البرامج الخاصة بها مع فريق الإعداد.
أغرب تصريحات ريهام سعيد
وقالت سعيد خلال الجزء الثاني الخاص بها في برنامج "شيخ الحارة والجريئة" المذاع عبر قناة القاهرة والناس خلال شهر رمضان المبارك 2021: "عملت حوالي 6500 حلقة في حياتي من خلال البرامج اللي بقدمها منهم حلقتين عن العفاريت والجن".
وتابعت خلال حديثها مع "شيخ الحارة": "أوض المونتاج بتاعتنا ممنوع حد يخش فيها غير بأكسس خاص بينا، فكنا راجعين من أوردر في إحدى المرات كانت بتولع لوحدها والولعة بتروح لوحدها، واحنا راجعين المصور بطنه اتنفخت بطريقة مرعبة وقال بسبب الجن، وبعد ما وصلنا لقينا الماتريال اللي صورناه كله اتمسح".
الحلقة الثانية برنامج شيخ الحارة والجريئة
وكان من أغرب تصريحات ريهام سعيد في ظاهرة غريبة كشفت عنها تباعاً لحديثها مع شيخ الحارة: "تاني يوم قالولنا كان بيطلع أصوات وصريخ من أوضة المونتاج وفضلنا فترة على كده، واللي لاحظ الموضوع ده الناس اللي شغالة والسكيوريتي".
ووجه شيخ الحارة سؤال لريهام سعيد، قائلاً: "مش انتي اتقالك إن كان معمولك عمل سفلي ووقف الحال فكتيه ولا لسه؟ لترد بقالي خمس سنين حالي موقوف وبعافر وبيقولو إن العمل مش نافع أوي، ليرد شيخ الحارة: أنا عارف مين عاملك السحر لترد: تعرف تفكه؟ ويجاوبها الآخر ساخراً: "واحد سفلي وصلحه".
تابع أيضاً:
وقالت ريهام سعيد: "في مرة اضربت علقة جامدة وكنا في بلد عربية بنعرض مسرحية أنا والفنان أحمد بدير، وأنا نايمة اضربت بطوب في ضهري اشتكيت للأستاذ عماد رشاد ومسكني تريقة".
وتابعت: “بعدها تاني يوم لقيت عماد رشاد الساعة 3 الصبح بيقول إن واحد من الجن بضوافر وقرون صحاه من النوم وخد الساعة بتاعته وحكى الحكاية دي واحنا بنصور في إحدى المسلسلات”.
سبب سجن ريهام سعيد
وفي إطار تصريحات ريهام سعيد قالت بشأن المحضر الذي حررته ضد الفنانة ريم: "هتنازل عنها بس أنا مش مسامحة ريم لأنها ظلمتني وجرحت مشاعري.. أرجو من ريم تسيبني في حالي فقط، وأنا سأتنازل عن المحضر".
ووجهت رسالة إلى ريم البارودي بعدم معايرتها بلفظ "رد سجون" قائلة: "بنصحها هي وأي حد متعايرش حد بحاجة، والدنيا ممكن تلف وترجع وأبقى في نفس الموقف".
مرض ريهام سعيد
أما عن مرضها التي تعرضت له مؤخراً من سقوط أنفها مرة تلو الأخرى: "أنا أخدوا ودني وحطوها في مناخيري.. معنديش ودن، ومن يكذب على الجمهور شخص ناقص".
