محمد المعتصم يكتب: يوميات رمضان.. الفتوة والسقا وشيخ الحارة
هاني رمزي يغيب عن برامج المقالب هذا العام بسبب كورونا .. شكرا كورونا
القاهرة والناس تذيع برنامج شيخ الحارة و(الجريئة ) لأيناس الدغيديوبرنامج لحظات ( جريئة ) لأحمد سالم .. وبرنامج ( مش هنبوس ) .. اعتقد لو الموضوع مشى على آخر رمضان القناة نفسها ممكن تغير اسمها ل القاهرة والجريئة.. او بلاس ١٨
اللهم اجعل مشاهدة مسلسلات تصنف على أنها كوميديا في ميزان حسناتنا
الفتوة.. اول مشهد من الفتوة جالي احساس ان السقا هيدخل ينقذ الفتوات من الملثمالفتوة .. لو استمر تصاعد الاحداث شخصية حسن الجبالي هتعدي شهرة رفاعي دسوقي
الفتوة .. الحلقة الاولي تشير الى انه سيكون نقلة لياسر جلال
الفتوة .. في او حلقة ظهر نموذجين للام .. كل ام في مشهد ..عايدة رياض وهي تشجع ابنها الفتوة احمد صلاح حسني على التوريث وانعام سالوسة وعي تسال ابنها راح فين ع الصبح وربنا يجيب العواقب سليمة
الفتوة .. اداء وملامح احمد صلاح حسني يؤهله لبطولة مطلقة رمضان ٢٠٢١ بشرط يهتم بالتمثيل زي اهتمامه بالجيم
الفتوة .. مي عمر في الحلقة الاولي ظهرت في ٣ مشاهد الاول كانت بتقيس فستان .. والتاني الست اللي جايبه لها الفستان بتشوف لها الودع .. التالت مش فاكرة بس مع نفس الست
الست اللي بتقرا الودع طلعت في مشاهد اكتر من مي عمر .
الممثل مجدي فكري ظهر في الفتوة بعد غياب طويل شكرا لمن تذكره
جمع سالم .. البارودي كانت عايز تروح بحر وزينة كان هيتدلق عليه خمرةجمع سالم ..زينة طالعة دكتورة وفيه دكتور زميلها قالها انه شافها ف العمليات وايديها بترعش وده خطر لانها أرواح ناس ..فقالت له بترعش ازاي ده بيتهيألك .. اه و النعمة
جمع سالم .. اي مريض هيدخل غرفة العمليات ويشوف زينة هيقول: اقسم بالله ما عمليتي
جمع سالم فيه كمية كآبة اصعب من أداء بعض الممثلين
لماذا تمثل ملك قورة
جمع سالم .. بعد حلقتين هيوزعوا جوايز تشجيعية للي بيتفرجزينة مفروض بتقوم بدور دكتورة لكن لما شاب سرسجي جاب لها دوا وقالها: الصيدلي بيقول ان الدوا ده بيعمل دماغ .. سألته دماغ ازاي؟
أزمة كورونا ظهرت بوضوح في مسلسل جمع سالم .. واضح ان صناع العمل استغنوا عن الدراما وزودوا التيتر
شيخ الحارة والجريئة.. ما تعرفش قيمة بسمة وهبة الا لما تشوف ايناس الدغيديشيخ الحارة والجريئة .. ايناس الدغيدي قالت لعصام الحضري زمايلك بيقولوا انك بتعمل لهم سحر .. فقال دي وجهة نظر تحترم
الحاجة الوحيدة اللي طلعت بيها من حلقة عصام الحضري ان ايناس الدغيدي أهلاوية
اغلب السقا هو البرنامج الوحيد اللي بجمهوراغلب السقا .. ظهور هنيدي في اول ايام البرنامج مكسب
حتى الآن.. مشهد كعبة محرم بك اللي اتعمل في الإسكندرية افضل مشهد كوميدي في رمضان
رجالة البيت .. الحلقة الاولي بتقول ان البيت ده مافيش فيه رجالة.. بتضحك
دعاء اليوم: اللهم اكفني شر من يبتسم وهو يضمر الحقد في قلبه
