نقل الفنانة الشابة مريم الخشت للمستشفى.. صورة
تعرضت الفنانة الشابة مريم الخشت، لأزمة صحية نقلت على أثرها لأحد المستشفيات الخاصة، ووجهت رسالة لمتابعيها من على سرير المرض.
وقالت مريم في تعليقها على الصورة التي نشرتها عبر خاصية "الاستوري" بصفحتها الشخصية بموقع "إنستجرام": "أنا عمري ما بنزل صور من النوع ده، لكن عايزة أقول إن مهم أوي يكون في حد قريب منك أو ساكن جنبك عنده مفتاح بيتك، علشان لو تعبت وأنت لوحدك، ولو حسيت إنك مش كويس، كلم حد وعرفه إنك محتاج مساعدة، الموضوع بسيط وأنا زى الفل، بس دي حاجة مهمة أنا شخصيا مكنتش مقدراها".
من ناحية أخرى، تشارك الفنانة الشابة مريم الخشت، فى مسلسل "الآنسة فرح" ومن المقرر عرضه قريبًا، والعمل من بطولة رانيا يوسف، أسماء أبواليزيد، محمد كيلاني، هبة عبدالعزيز، عارفة عبدالرسول، جيلان علاء، محمد عمروسي وإخراج أحمد الجندي، ووائل فرج.
