نشوى مصطفى: "زوجي معاه الجنسية الأمريكية.. لست بحاجة لأموال"
علقت الفنانة نشوى مصطفى، على التعليقات التي تلقتها بعد نشر تدوينة لها تطلب فيها العمل، بعد انقطاع لفترة عن التمثيل.
وقالت نشوى مصطفى، في منشور عبر صفحتها الشخصية بموقع "فيس بوك": "من يومين كتبت بوست والحقيقة كالعادة الفترة اللي فاتت بقيت أي حاجة بكتبها بيكون رد الفعل تجاهها أكبر من توقعاتي بمراحل، البوست كان ملخصة إني عايزة أمثل والحقيقة أي فنان زميل حيفهم معنى إن طاقتك وموهبتك متعطلة إنك تكون مركون على المعاش وانت لسه عندك طاقة بدليل إن العظيمة أمينة رزق كانت بتمثل لآخر يوم فى عمرها اللي تجاوز التسعين سنة وإنها قدام الكاميرا كانت بتتحول لطاقة فنانة في التلاتين".
وأضافت: "المهم إنه اتفهم من البوست إني لا سمح الله محتاجة أمثل علشان محتاجة فلوس مثلًا وده عرفته من كم التليفونات اللي تلقيتها أو من كم الناس السفلة الشمتانين الكارهين واللي بيكرهوا أي حد بيقول تحيا مصر".
وتابعت: "أحب أوضح لكل الناس محبين أو كارهين إني من فضل الله سبحانة وتعالى مستورة جدا وإني متزوجة من راجل بيعولني ومن فضل الله زوجي عنده بزنس ساترني وساتر بيتي وولادي اللي بفضل الله اتعلموا جوه مصر وسافروا كملوا دراستهم في أمريكا وألمانيا وبفضل الله وبكرمه ونعمته واجتهاد زوجي الحمد لله مستورة".
واستطردت: "زوجي معاه جنسية أمريكية وإنه من الممكن أنه ننتقل للعيشة في أمريكا ودخلنا من شغله يكون أعلى بس احنا زي السمك منقدرش نسيب مصر، وبعتذر لكل القنوات العربية والمصرية اللي كلموني علشان يستضيفوني علشان نتكلم في البوست، وبشكر إخواتي وأصدقائي المنتجين في الكويت وفي الإمارات على عروضهم الطيبة وفعلًا الفنان فنه مالهوش حدود تقاس بالكيلومترات أنا بحبكم".
