رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

وطن مسنود على التراتيل

جريدة الدستور


هرسم وش متكرمش
عنين واسعين
إيدين خضرة العروق فيها
وحاضنة رغيف بيضحك
ضحكته الحلوة
لكيس الفول
وهرسم نخلة باصة بعيد
ومنتظرة لشىء مجهول
وهرسم غيمة فرحانة
وشمس توزع الدهشة
على المنديل
وهرسم طفلة تتعلم
فـ أول حجلة ف الأولة
بجسد منحول
وحزن نحيل
وهرسم أب بيفنط حساباته
وبيخبى فـ دمعاته
وجع معلول
فـ قلب عليل
وهرسم آخر اللوحة
شمس صبية بتطبطب
على الورد اللى نام سكران
فـ حضن النيل
وهكتب تحت فـ اللوحة
وطن مسنود
على التراتيل