الأول على الثانوية العامة بالمنوفية: "كنت متوقع مجموعى لأنى مجاوب كويس"
سادت حالة من الفرح العارمة بين أهالي مركز شبين الكوم التابعة لمحافظة المنوفية، لحصول الطالب محمود الشبلنجي على المركز الأول علمي رياضة بالمدرسة الرسمية للغات بمجموع 409.5.
وقال الشبلنجي في حديثه مع "الدستور": "تلقيت خبر حصولى على المركز الأول من وزير التربية والتعليم كلمنى الصبح وعرفنى".
تابع: "كنت متوقع المجموع لأني كنت مجاوب كويس فى الامتحانات كلها، وكنت بتمنى الترتيب دا، بس كنت خايف أقول إنى هكون من ضمن الأوائل قبل ما النتيجة تظهر، واحتفظت بالسر دا لنفسي، مع إن كنت متأكد من إجابتى".
وأوضح سبب اختياره لشعبة علمى رياضة: "هو إنى نفسي أطلع مهندس من وأنا فى كى جى وان، علشان كده مكنتش محتار بين التخصصات، وأنا عارف من زمان أنا عاوز أيه".
أشار إلى أنه يتمنى الحصول على منحة فى كلية هندسة لأى جامعة فى الولايات المتحدة الأمريكية أو ألمانيا، مضيفا "ومن خلال حديثى مع "الدستور" أناشد وزير التربية والتعليم يساعدنى فى تلك الخطوة".
