عمال محور روض الفرج: "جينا من الصعيد علشان نبنى المشروع بأيادى مصرية"
"مشروع محور روض الفرج" إنجاز كبير يتحقق على أرض مصر شارك فيه الآلاف من العمال المصريين الذين جاءوا من كل حدب وصوب من محافظات مصر من أجل بنائه.
قال محمد محمود أحد العمال، في حديثهم لـ"الدستور": "جيت من قنا ودي أول مرة أشارك فيها في بناء كوبري كبير زى دا. في الأول الموضوع كان صعب كنا بنضطر نسهر ونبات في المشروع عشان يتم إنجازه في وقته، وعندما يشعر أحد منا بالتعب كنا نأخذ مهامه".
وأفاد مجموعة من العمال: "في مننا من سوهاج وشبرا والمنيا وكلنا جينا عشان نبني المشروع بأيادي مصرية".
وعن الصعوبات التي واجهوها أثناء العمل، أشاروا: "وإحنا بنعمل كابلات الكوبري المعلق كنا مرعوبين طبعا في الأول بالإضافة إلى أننا نقف على ارتفاع يصل إلى 90 مترا، لكن شركة المقاولين أمدتنا بالأدوات والأجهزة الحديثة كافة اللي نحتاج إليها".
