قهوة الزملكاوية.. من مدرجات التالتة يمين إلى رحاب السيدة زينب (فيديو)

- صاحب المقهي: اللي بيحبنا ميولعش شماريخ.. ومبناخدش تمويل من أي حد
- خالد أوزي: مقولة شارع الزملكاوية أغضبت المخرج الاهلاوي الشهير.. وعبد الحليم علي وعبد الحميد بسيوني وأحمد علي أشهر روادها
- مشجعة زملكاوية: المقهي أمان جدا.. وبنات الزمالك أرجل من أي حد

داخل أحد الشوارع المتفرعة من شارع بورسعيد بمنطقة السيدة زينب، وتحديدا شارع "محمد عنايت" والذي تحول اسمه خلال الفترة الأخيرة إلى شارع الزملكاوية بسبب تجمعات جمهور الزمالك بداخله أثناء مباريات الفارس الأبيض، التقت "الدستور" تامر الترش، صاحب مقهى الزملكاوية الموجود في منتصف الشارع، وقال "أنا وشقيقي ومعظم العائلة زملكاوية بصرف النظر عن بعض أبناء العمومة الأهلاوية لكن عرق الأسرة زملكاوي منذ القدم، وفكرة إنشاء مقهى يجمع الزملكاوية جاءت عن طريق امتلاكنا لمجموعة مقاهي بالسيدة زينب.

وتابع "التراش": بدأنا الموضوع بأشياء بسيطة، وهي تعليق علم للزمالك على باب المقهى ثم تطور الأمر إلى عمل عدد من البانرات وهي التي ساعدت على لفت انتباه المارة وبدأ الإقبال في الزيادة من طرف الزملكاوية وهو الأمر الذي جعلنا نقوم بتوسعة المكان وقمنا بجلب شاشة كبيرة بروجكتور لمشاهدة أمتع لجمهور الزمالك، مشيرا إلى أن المقهى يستقبل زملكاوية وأهلاوية، وعقب: "كلنا اخوات ومفيش مشكلة خالص لكن في المباريات المذاعة الأولوية للزمالك طبعا حتي لو المنتخب بيلعب والزمالك بيلعب في نفس التوقيت ينشغل مباراة الزمالك، منتخبنا هو الزمالك ومعشوقنا الأول والأخير هو الزمالك".

وأضاف: "مفيش رسوم على الكرسي وأسعارنا زهيدة جدا في المشروبات، ومعندناش الاستغلال اللي بيحصل في بعض المقاهي خلال عرض المباريات، بس لو أهلاوي هنستغلك عادي، لكن لو زملكاوي معاك فلوس أو مش معاك تعالي اتفضل شاهد المباراة ومتشغلش بالك بالفلوس"، واختتم: "مفيش حاجة عندنا اسمها أولتراس أو أي مسميات غير معروفة، احنا هنا جمهور زمالك فقط ومفيش حاجة اسمها حد يولع شماريخ أو يقطع طريق أو سب النادي الأهلي، وده اللي بنقوله لكل الزبائن الجداد وخاصة في موضوع الألعاب النارية".

وهو نفس الرأي الذي اتفق معه فيه خالد أوزي، شقيقه وشريكه في المقهي، حيث قال: "أنا من مستمتعي راديو fm وبعمل مداخلات كتير فيها وخاصة البرامج الرياضية، ومعروف باسم خالد الزملكاوي، ومن هنا جاءت فكرة إطلاق اسم مقهي الزملكاوية، احنا هنا من صغرنا متربيين في السيدة زينب وعندنا مقاهي أخرى ولكن اخترنا المقهي ده تحديدا عشان خاص بي أنا وشقيقي، ووضعنا أعلام الزمالك على أبوابها لأننا زملكاوية منذ الصغر".

وتابع: "إطلاق اسم شارع الزملكاوية على الشارع أغضب بعض الجيران من الأهلاوية ومنهم المخرج الشهير الدكتور محسن أحمد، واحترمنا رغبته في ذلك، لأنه في النهاية احترام الجميع والجيران بصفة خاصة من أولويتنا"، مضيفا: "احنا بيجلنا ناس من بلاد عديدة عشان يتفرجوا علي ماتشات الزمالك هنا زي دمياط وبورسعيد واسماعيلية وإسكندرية وبنحاول نوفر لهم مبيت قريب من المقهي ويرجعوا بلدهم تاني يوم".

ميادة محمد، طالبة بكلية التجارة، واحدة من مرتادي مقهى الزملكاوية، تقول: "أنا ساكنة في منطقة الفسطاط وعرفت المقهى عن طريق الفيسبوك، ومش بسيب ماتش للزمالك غير لما أجي أحضره هنا بصراحة بتفاءل بالمكان، وأوقات كتير بيحضر معايا صحابي الزمالكاوية من مدن خارج القاهرة".

وأردفت: "بالنسبة لحضورنا كبنات على مقهي، أنا شايفة إنه أمر عادي وطبيعي، خاصة أن كل الحاضرين أخواتنا الزملكاوية، ومفيش مشاكل خاص والقهوة أمان جدا".