في وصلة اعتذارات..رجل الشاطر:مش فارق معايامرسي يرجع ولا لأ!
أكد أحمد المغير العضو بجماعة الإخوان المسلمين، والملقب برجل خيرت الشاطر، أنه نادم على تأييد شرعية المؤسسات على شرعية الشارع، وتركه الميادن وتبرير قتل المتظاهرين، ودفاعه عن بعض المؤسسات التى لا تستحق الدفاع، لافتًا إلى أنه لا يفرق معه رجوع الدكتور محمد مرسي والإخوان للحكم من عدمه.
وقال المغير عبر حسابه الشخصى على موقع التواصل الاجتماعى تويتر : أنا بعتذر .. أيوة بعتذر عن كل لحظة أيدت فيها شرعية المؤسسات على شرعية الشارع، أيوة بعتذر عن كل لحظة موقفتش فيها جنب اللي بيموت في الشارع وأعدت أنظر وأبرر، أيوة بعتذر عن كل لحظة سبت فيها الميادين واستبدلتها بطابور انتخابات قبل ما البلد تتطهر وتنضف صح، أيوة بعتذر عن يوم وثقت فيه في ناس ميستحقوش ثقتي ودافعت عن ناس ميستحقوش الدفاع عنهم هما النهاردة بيبرروا قتلي، ايوة بعتذر لثورة خذلتها مرة وبعدت عنها مرة وتصورت واهمًا أنها انتصرت رغم ان السكينة كانت على رقبتها، يعتذر عن أخطاء حصلت ومش هتتكرر بإذن الله وانا من النهاردة ثائر مصري .. ثائر مصري وبس مش فارق معايا مرسي يرجع ولا الاخوان تحكم وانما يفرق معايا بس ثورة اتخطفت روحي ودمي فداء أنها ترجع تاني .
