غدًا.. أولى حلقات برنامج مى سليم الجديد «كان نفسى»
أعلنت الفنانة مي سليم، عن طرح أولى، حلقات برنامجها الجديد "كان نفسي"، غدًا الخميس، عبر قناتها على موقع الفيديوهات الشهير "يوتيوب".
وقالت مى سليم، عبر صفحتها على موقع التواصل الاجتماعي "فيس بوك": «لسة دلوقتي قافلة آخر مكالمة مع كل اللي بعتولي أرقامهم على الإيميل، الأول بعتذر لكل واحد كان منتظر مكالمتي وملحقتش أكلمه لأن بجد ضغط الإيميلات كان رهيب جدًا، ومكنتش متخيلة ده».
وأضاف: «تاني حاجة بجد بشكر تاني كل اللى كلمتهم النهارده على كل الكلام الحلو والمشاعر الحلو اللى عبرتوا عنها دي، كنت متخيلة أنا اللي هبسطكوا في السنة الجديدة بمكالمتي ليكوا لكن اكتشفت أن أنتوا اللي بسطوني بكلامكوا الحلو ده وحبكم».
وتابعت مى سليم: «يوم الخميس هنزل أكثر مكالمات حلوة فى أول حلقة فى كان نفسي، استنوني الخميس، واللي بعت الإيميل ومتصلتش متزعلش لسه فيه مفاجئات تاني هعملهالكوا، في برنامج كان نفسي».
وينتمي برنامج "كان نفسي" لنوعية برامج تليفزيون الواقع، حيث تُسجل مي سليم، تجارب تحقق فيها أمنيات لها ولمعجبيها، وتقوم بتوثيق التجارب، واتفقت "مي"، مع فريق التصوير أن يقوم بتسجيل كل ردود أفعالها دون أي تعديلات مهما كانت محرجة، وجاء قرار "مى" بتقديم هذا البرنامج رغبة منها فى التقرب من جمهورها بشكل كبير.
