شاهد رسالة امرأة مصرية للشاطر والإخوان..هفضحكم لأخر يوم في عمري

وجهت  الكاتبة الصحفية نشوى الحوفي رسالة إلى المهندس خيرت الشاطر والإخوان عبر قناة " on tv" فى برنامج "صباح on"، ولم تقدم الرسالة بصفتها المهنية، ولكن بصفتها امرأة من مصر.

وكانت كلماتها كالرصاص والحسرة والقهر يملئها فشاهد واقرأ رسالة امرأة من مصر لخيرت الشاطر وجماعة الإخوان المسلمين "أنا لن اذكر الرئيس بكلمة لأن "الضرب فى الميت حرام" وكلامي لخيرت الشاطر واللي معاه".

خليك رجل أعمال كويس ولطيف العب مع قطر أو تركيا وسيبك من مصر، وأنا قولت لك قبل كدا، لو أنت وبديع عاوزين مصر بيضة مقشرة خدها بس نتفاهم، ولكني اعتذر عن أي لحظة أم ويأس عشتها، لأني مش هسيب مصر ولا المصريين هيسبوا مصر، والحقيقة أنا هقولك حاجة واسمع كلامي كويس اوي".

الرجالة اللي أنت مشفتهاش مش بيخافوا والأم التي قالت لابنها مترجعليش أسير واستشهد أحسن، الست دي خاف منها، لأن فى زيها كثير أوي وإحنا أتربينا على كدا حط فى بالك انت واللى معاك كلمة، على جثتنا انك تاخد مصر وتبعها وتضيعها والمستقوى بالأمريكان يا شاطر عريان، واياك تستقوى بقطر وأوعي تفتكر أن حاكم قطر هيخاف عليك وهو مخفش على ابوه مش هيكون ليه خير فى أي حد، ولا تلومنا إلا نفسك.

وعزة جلال الله ومش بقول كلام لو هى أخر لحظة فى حياتي إني هفضل أفضحكم ويا.. ربنا يهديكم لياخدوكوا.. بص فى عنيا واتفرج على الفيديو دا أنت واللي معاك والمستقوى بيهم".

أنا رهاني على ناس كثير أوي يا شاطر ناس متعرفهمش.. العيال هنا فدائيه تصدق، وعز جلالة الله مش هتشوف يوم راحة.. خاف على البلد دي لأنها يوم ما هتضيع هتضيع بينا كلنا".

اتقي الله.. أنا ست ومش هقول ومرساه ولا معتصماه.. حط الكلام دا في بالك.

الفيديو...