بعد أزمة تامر حسني.. وليد منصور: لن أتعامل مع "شارموفرز" مجددًا
أعلن منظم الحفلات الشهير ومالك شركة "تالنت إم دبيلو" وليد منصور، عن عدم تعامله مرة أخرى مع الباند الشهير شارموفرز، وذلك بعد أن قام أحد أعضاء الفريق أمس بالتجاوز في حق تامر حسنى بحفل الجامعة الأمريكية.
وكتب وليد، عبر حسابه الشخصى بموقع التواصل الاجتماعي الشهير "فيسبوك":"طول عمري مش بحب أو بكره في شغلي تنظيم الحفلات وبجد ديما أقول الشغل مفيهوش عواطف علشان تنجح الحمدلله ماشية كويس الحفلات وأنا ديمًا كنت أكتر واحد بيحاول يكون متجدد حتي مع ظهور الأندرجراوند كنت أكتر واحد بحاول ادعم واشتغلت معاهم كلهم وكنت شايف نجاحهم وفِي فريق كتير بجد فن واحترام زي كايروكي وسط البلد مسار اجباري وكتير".
وتابع :"بس ظهر فريق نجح وسط البندات واشتغل كتر معايا شارموفرز وكانت علاقتي بيهم طيبة جدًا لحد ماشوفت قبل حفل جامعة الأمريكية بوست غريب من أحد أفراد البند وأهمهم بيقول كلام غريب علي نجم كبير جدًا وفِي فجوة زمنية بينه وبين النجم الكبير تامر حسني مع أن تعليقه ده أساسًا مش في محله علشان فرق الحجم والنجومية بينه وبينه زي الفرق ما بين العربية البوجاتي وتويوتا وزعلت أكتر أن ناس فاكرة إن لما تعمل أغنية أو اثنين وينجحوا شوية يبقي هو كده من حقي يقول كلام علي ناس مفيش مقارنة أساسًا بنهم ومنه".
وأعلن قائلاً:"ودي يمكن أول مرة آخد قرار كده إن شركتي لن تتعاون مجددًا من فريق شارموفرز في أي من حفلاتي مجددًا".
