كارمن سليمان تكشف تفاصيل أول لقاء بـ"سميرة سعيد"
كشفت المطربة الشابة كارمن سليمان، تفاصيل أول لقاء جمع بينها وبين الفنانة سميرة سعيد، التي كسرت حاجز الكسوف بينهما.
ونشرت كارمن، صورة تجمعها بالفنانة سميرة سعيد عبر "إنستجرام"، وعلقت عليها: مهما أحكيلكو عن رقتها، وطيبتها، وحنيتها، وأد إيه عندها نقاء نفسي، وكريمة في ضيافتها، ومشاعرها، وحبها لكل اللي حواليها، مش هقدر أوصف جزء من اللي أنا شفته بعيني".
وأضافت: أول مرة أقابلها كنت مكسوفة بشكل مش طبيعي، قدرت هي في لحظات تكسر الحاجز ده وتحسسني إني أعرفها من عمر طويل، وقالتلي إنها بتحبني ومعجبة بصوتي وبتفاصيل ما تقولهاش فنانة كبيرة وعملاقة، لفنانة لسه في بداية مشوارها زي حالاتي".
