أحمد على موسى يكشف لـ"الدستور" تفاصيل تعاونه مع "منير" و"تامر عاشور"
قال الشاعر أحمد على موسى إنه يقوم حالياً بالتجهيز لأغنيتين جديدتين، ضمن الألبومات الجديدة للمطرب تامر عاشور والكينج محمد منير .
وأضاف على موسى فى تصريح خاص لـ"الدستور" أن أغنية الفنان محمد منير من ألحان المطرب عصام كاريكا، ويبدأ مطلعها بـ "انتى ليه فى الحب صعبة، فيكى صبر غريب قاتلنى، لحظة عاشقة والف لا حيرة حالفة ما تفارقنى، انتى رافضة تبقى واضحة ، فى امتحان العشق ناجحة وفى امتحان الغدر ناجحة، حالة تفلق بحر شك، ضحكتك مليانة حزن، حتى حزنك كله ضحك، انتى عايشة ازاى قوليلى الحقيقة تايهة فين ، نفسى أسأل يوم مرايتك هى اصلا شايفة مين، انتى ليه بتحسسينى انك ملاك ، الملايكة بحر نور " .
وأشار إلى أن أغنية تامر عاشور تبدأ كلماتها بـ" انا قولت نبعد مش عشان مابحبكيش جوايا ليكى كلام كتير مايتحكيش وبخبى اه عنك سعات احساسى بيكى ماهو مش بايدى ضعفى قدامك طبيعى مش كل إللى احنا بنتمناه بنعيش العمرفى حضن هواه ولاكل إللى احنا بنحلم بيه يا قلبى دايما بنلاقيه ما تلومنيش خوفى عليكى خلانى اكون حدتانى خلانى احبك اعمل ايه حتى لويوم تنسانى" .
وأكد على أنه يستعد حالياً لطرح أغنيته الجديدة فى تتر إحدى مسلسلات رمضان رافضا الإعلان عن إسم المطرب حتى تكون مفاجأة لجمهوره .
يذكر أن أحمد على موسى هو شاعر مصرى، كتب العديد من الأغانى منها "كنت بفكر" للمطرب خالد سليم، و"هو انت مين بيصدقك" للمطرب تامر عاشور، و"هيفتكرونا" للمطرب خالد عجاج .
